Федоровка қазақ жалпы орта білім беретін мектебі
0

 

Сыбайлас жемқолыққа қарсы күрес

Федоровка қазақ жалпы орта білім беретін мектебінің сыбайластық жемқорлыққа қарсы атқарылып жатқан жұмыстар  және «Адалдық сағаттар» акциясы аясында өткізілген іс – шаралар және «Адалдық дүкенінің» жұмысы туралы

 

Мектептің жұмыс жоспары бойынша сыбайлас жемқорлыққа қарсы жоспарланған іс-шаралар жүргізілді, жыл ішінде белгіленген шаралар толық жүзеге асырылды және онда жүргізіліп жатқан жұмыстар туралы ақпараттар, мәліметтер уақытылы аудандық білім беру бөліміне әр айдың 20-сына дейін беріліп отырды.  Фейзбуг желісіне де салынды.

 

Жеке және заңды тұлғалардың арыз-шағымдары, хаттарына арналған жәшіктерді жаңғыртып, оны көрнекі, оңтайлы жерге орнатылды. Сонымен қатар сенім телефондары көрнекі жерге қойылып ақпараттық тақтайшаға бекітілді.

 

Мектеп қызметкерлерінің, ата- аналардың қатысуымен өткізілетін әр жиналыс, отырыстарында ҚР  «Сыбайлас жемқорлыққа қарсы іс-қимыл туралы» Заңын, еңбек тәртібінің сақталуын қамтамасыз ету жөнінде айтылып, хаттамалар тіркелді.

 

Сыбайлас жемқорлықпен күресуді күшейту мәселесі Тұңғыш Елбасының жариялаған Ұлт жоспарында орын алып, нақтыланған. Сыбайластық жемқорлықпен күресу тек мемлекет қана емес, барлық азаматтардың қоғамдық ортақ міндеті болып табылады.Оған қарсы күресті ең бастысы отбасынан, әр адамның санасынан бастағаны абзал.  Осы мақсатта бастауыш сынып оқушылары арасында «Жемқорлықты жою – азаматтық міндет» тақырыбында тәрбие сағаттары өткізілді. Өткізілген сабақтарға «Нұр Отан» партия филиалынан жетекші маман Лекерова Жанар, «Федоровка ауылдық округі әкімінің аппараты» ММ-нің бас маманы Бисенгалиева Назгүл Азимовна және «Теректі аудандық әкім аппаратының құжаттамалық және қаржы шаруашылық қызметін қамтамасыз ету» бөлімінің басшысы Сарсенова Айзада Жубанышовна  шақырылып, қатыстырылды. Барлығы 143 оқушы қамтылды. Және өткізілген сабақтар мектебіміздің  әлеуметтік сайттарына, желілеріне  салынды. «Парасатты азамат» бұрышы жасақталды, ? ---- жылдар арлығында мектеп директоры болған  Алимова Кулжиган Куттубаевнаның шығармашылығы жинақталды.

 

Теректі аудандық білім бөлімі және аудан мектептері бірлесіп, қоғамда сыбайлас жемқорлыққа қарсы мәдениетті қалыптастыру, сыбайлас жемқорлықпен күресу дүниетанымын қалыптастыру және осы бағытта олардың белсенділігін арттыру  мақсатында «Ақжайық – адалдық алаңы» пара берме  челлендж жүзеге асырылды, челленджге мектеп мұғалімдері қатысты.

 

«Бала құқығы – адам құқығы» атты құқықтық он күндігі ұйымдыстырылды. «Қоғамдық тәртіп негіздері» атты құқық қорғау органдарының өкілдерімен кездесу ұйымдастырылды. Мақсаты кәмелеткен толмаған жас өспірімдері арасында құқық бұзушылықтың алдын алып болдырмау және  жеткіншекке құқықтық тәрбие беру,  сыбайлас жемқорлық қылмыс болып саналатынын санасына жеткізу, жемқорлықтың қоғамға жат қылық екендігін, одан арылу үшін тек қана маңдай термен алған біліммен, адамгершілік қасиет қана көмектесетінін ұғындыру болды. Кездесуге Теректі аудандық полиция капитаны А. Нургалиев, Аудандық АПБ, КПБ уәкілі А.Белял және КТЖИ С.Жиеналиева келді.

Мектепте әр тоқсан сайын құрметті тұлғалармен кездесу шаралары өтеді. Мақсаты: өскелең жас ұрпақ бойына адалдық, парасаттылық, әділдік сенім құндылықтарын сіңіруге және жас буынның рухани болмысын бекітіп, сыбайлас жемқорлыққа қарсы мәдениетін қалыптастыру. Кездесуге облыстық Хадиша Бөкеева атындағы қазақ драма театрының бас режиссері, актер, ҚР Президентінің «Құрмет» грамотасының иегері Самал Абуов пен ҚР Мәдениет саласының үздігі, халықаралық фестивалдің актерлік шеберлік аталымының, көркем сөз оқудан гран при иегері, актриса, аудармашы, жерлесіміз Эльмира Мақашевалар болды. Кездесу барысында оқушыларға осы атақ – даңқтың иегері болу үшін талай қиындықтан өтіп, талмай ізденудің, адал еңбектің арқасында жеткендігін сөз етті. Желтоқсан айында ішкі саясат бөлімінің басшысы Жаннұр Ахметовпен жоғары сынып оқушыларымен дөңгелек үстел өтті. Адалдық туралы сөз қозғап, адами тұлға болып қалыптасуда негізгі өмірде адам баласының рухани бай болуын сөз етті. Әдеби кітаптан азықты көп алу керектігін айтты. Адалдық – адам бойындағы асыл қасиеттердің бірі. Адам бағасының бір өлшемі де іспетті. "Адалдық” деген сөз шыншылдық, айнымастық, шын берілгендік сияқты игі қасиеттерді еске салады. Қазақ пайымында адам бойында адалдық - пәктік, ар-ұждан, жан тазалығы тәрізді т.б. асыл қасиеттердің жиынтығынан тұрады. Көшпелі қазақтардың адамгершілік, адалдық қасиеттері тұрғысынан кіршіксіз таза, мәрт болатындығы туралы әдеби шығармаларда  көптеп кездестіруге болатындығын мысалмен дәл айтты. Осы тұста ұлы тұлғалардың осы тақырып төңірегінде айтқан ой толғамдарын назарларыңызға ұсынғанды жөн санап отырмын деп, ағамыз ұлы ғұлама Әбу Насыр Әл-  фараби, қазақтың тұңғыш ақыны Абай атамыздың өлеңдерін нақышына келтіріп оқып берді.

 

Мектебімізде «Адал ұрпақ» еріктілер клубы бар, клубтарының негізгі міндеттері мектепте сыбайлас жемқорлыққа қарсы мәдениетті қалыптастыру, сыбайлас жемқорлыққа қарсы көзқарасты нығайту бойынша бастамаларды көтермелеу, сыбайлас жемқорлыққа қарсы сипаттағы іс-шараларды ұйымдастыру және адамгершілікке, парасаттылыққа үйрету болып табылады. Сыбайлас жемқорлыққа қарсы дөңгелек үстелдерді және басқа да ағартушылық іс-шаралар, акцияларды ұйымдастыруға қатысады.

 

Клуб мүшелері сонымен қатар «Қайырымдылық» акцияларын ұйымдастырып, белсене қатысты. Күз мезгілінде өткен «Мейірбандылық» айлығында «Бір алма, бір апельсин» акциясына қатысып, Орал қаласындағы Қарттар үйіне жиналған 53 кг алма мен апельсинді таратып келді.

 

Қазақстан Республикасының 2015-2025 жылдарға арналған сыбайлас жемқорлық пен көлеңкелі экономикаға қарсы әрекет ету жөніндегі стратегиясын іске асыру бойынша Теректі ауданы Білім бөлімінің 16.01.2020 жылғы 1-14\44 хатының негізінде, 2020 жылдың 17 қаңтар күні Қазақстан Республикасының Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) мен Қазақстан Республикасының Білім және ғылым министрлігінің ұйымдастыруымен еліміздің барлық орта білім беру мекемелерінде «Адалдық сағаттары» республикалық акциясы өткізілу жоспарлануда екендігін хабарлады.

 

Акцияның негізгі мақсаты – қоғамда, әсіресе өскелең жастар арасында «парасаттылық принциптерін ілгерілету», «парасаттылық, әділдік, шынайылық» ұғымдарын трендке айналдыра, сыбайлас жемқорлыққа қарсы мәдениетті қалыптастыру.

 

2015-2017 жылдарға арналған іс-шаралар жоспарының тармақтарын 2020 жылдың 17 қаңтар күнгі  жүргізілген жұмыс нәтижелері туралы ақпарат.

 

«Білім туралы» Заңның 8- бабы 2- тармақшасына сәйкес ақша жинамауға жол бермеу мақсатында мектептің бірінші қабатында оқушылар мен ата- аналарға арналған мектептегі теріс әрекеттер және күшпен ақша алу жағдайларын кездестіру кезінде оқушылар өз ескертулерін жасап, өтініштер мен хат жазу арқылы білдіретін арнайы «сенім жәшігі» ілінген. Бұл жәшікке келіп түскен өтініштер мен хаттар әр аптаның соңында мектеп әкімшілігі қарап, есеп жүргізеді.

 

Сонымен қатар тарификация мен қызметкерлердің тізімі көрнекі жерде ілінсе, мектеп дәлізіне кіре берісте «Назар аудар, есіңде сақта!»«Пара беру – бас бостандығыңнан және болашағыңнан айырады» жарнамасы ілініп тұр.

 

17 қаңтар күні 1-4 сыныптарда, 8-10 сыныптарда «Біз сыбайлас жемқорлыққа қарсымыз» тәрбие сағаттары өткізілді. Оқушылардың  бойына адамдарға жақсылық ойлау, әділдік, шыншылдық сияқты адами құндылықтардың алатын орнын, олардың адамдар үшін маңызы жайлы,адалдық пен шыншылдыққа әділдікті бағалай отырып, әдептілік ережелерін қадағалауды үйрету. Іс – шара барысында оқушылар тақырыптың мәнін ашып, өз ойларын бөлісті. Адами қасиеттерді, әділдік, шыншылдықты бойына сіңірді. « Адалдық - адамдықтың белгісі » демекші осы өмірде адал болып, тек адалдық істеп адамдығымызды көрсетіп, кейінгіге үлгі болып жүрейік деген ұстаныммен оздырылды.

 

Мектепте сатушысыз дүкен «Адалдық дүкені» бар, екінші қабатқа орналасқан, мектеп оқушылары өздеріне қажетті мектеп құралдарын осы жерден қолжетімді бағамен сатып алады, ашық касса бар, сол кассаға ақшасын салып, құралды қажетіне жаратады.

 

Қорытындысы бойынша төмендегідей жұмыстар атқарылады:

- Аппарат қызметкерлерін жұмылдыра отырып, сыбайлас жемқорлыққа қарсы мәдениетті және сыбайлас жемқорлықтың алдын- алу жүйесін қалыптастыру бойынша жұмысты жалғастыру, БАҚ-та кеңінен ақпараттық-насихаттау жұмысын ұйымдастыру. 

- Қолданыстағы Қазақстан Республикасының 2015 жылғы 23 қарашадағы № 416-V «Қазақстан Республикасының Мемлекеттік қызметі туралы» Заңы, Қазақстан Республикасының 2015 жылғы 18 қарашадағы №410-V «Сыбайлас жемқорлыққа қарсы іс-қимыл» заңнама нормаларын түсіндіре отырып азаматтар мен заңды тұлғалардың өтініштерін қарастыру кезінде заңдылықты қамтамасыз ету.

 

 

2020 – 2021 оқу жылына арналған Федоровка қазақ жалпы орта білім беретін мектебінің «Сыбайлас жемқорлықты болдырмаудың алдын - алу» есебі

 

2020-21 оқу жылында «Сыбайлас жемқорлықты болдырмаудың алдын - алу» жоспары құрылды. «Сыбайлас жемқорлықтың алдын – алу» бұрышы орналастырылды. «Сенім жәшігі» тұлғалар үшін қызмет атқарады. Мектепте 01.09.2020 жылғы  №260 бұйрық негізінде «Әдеп және сыбайлас жемқорлыққа қарсы іс қимыл жөніндегі уәкілі»  және міндетін атқарушы мектептің тәрбие ісі жөніндегі директордың орынбасары А.К.Кумашева тағайындалды.  30 тамыз Конституция күніне арналған «Ата Заң – азат елдің ар -намысы» тақырыбында шаралар өткізілді мақсаты:өз Отанын шексіз сүю,Отанына адал қызмет жасау, туған жеріне деген құрметін арттыру.

Сонымен қатар 1 қыркүйек 5-11 сынып оқушыларына Адалдық сағаттары өтті. Тақырыбы: «Әділдікке үндеген - Қожа Ахмет Яссауи», «Абай – дана. Абай –дара қазақта». Мақсаты: өскелең ұрпақтың бойына сыбайлас жемқорлыққа қарсы мәдениетті қалыптастыру және адалдық, әділдік, парасаттылық және сенім сынды маңызды адамгершілік құндылықтарды сіңіру. Елімізде қалыптасқан эпидемиологиялық жағдайға байланысты онлайн-дәріс ZOOM, онлайн мектеп флатформасы, ватсап тұрінде өтті.  Бейне-дәрістерде оқушылар  «ақыл кітабы» – «Диуани-Хикметте» жинақталған адалдық, әділдік, парасаттылық, қарапайымдылық пен мейірімділік сияқты адами құндылықтарға шақыратын ұлы ойшылдың сөздерімен танысты. Эпедимиялық режимнің аяқталмауына байланысты онлайн сабаққа  5-11 сыныптың 234 оқушысы қатысты.

 

Мектепте штаттық режимде оқитын 1-4 сынып оқушыларының 113- не тәрбие сағаттары «Абай – дана. Абай –дара қазақта» тақырыбында өтті, мақсаты: Мейірімді, адал болуға, адамгершілікке, жаман әдептерден бойларын алыс ұстауға тәрбиелеу. Мектеп кітапханашысы У.Идрискалиева Ұлы ақын Абай Құнанбаевтың адалдыққа, парасаттылыққа, әділдікке, шыншылдыққа үйрететін кітаптары мен өлең жинақтарынан мектеп дәлізіне көрме ұйымдастырды.                                        

 

Жалпыреспубликалық "Адалдық сағаты" акциясы негізінде "Ар-намысты арқалаған рухты батыр Бауыржан" тақырыбында қашықтан оқитын сыныптарға тәрбие сағаты өтті.

Адалдық сағатының негізгі  мақсаты – өскелең жас ұрпақтың өн бойына адалдық, парасаттылық, әділдік, сенім құндылықтарын сіңіруге және жас буынның рухани болмысын бекітіп, сыбайлас жемқорлыққа қарсы мәдениетті қалыптастыру: Бауыржан Момышұлының ұлтжандылығын, ерлігін балаларға түсіндіріп дәріптеу, адалдыққа, мейірбандылыққа баулу.

«Адалдық сағатында» білім алушыларға арнайы әзірленген бейнероликті көрсету арқылы адалдық – парасаттылықтың ең биік шыңы, әрі адам бойындағы ең асыл қасиет екендігі жіті түсіндірілді.

 
 

 

Сыбайлас жемқолыққа қарсы күрес